Pupujian Rundayan Nabi, Sangkan Muslim Mikawanoh Nasab Rasulullah SAW.

jabaribernews.com -- pupujian "Rundayan Nabi" téh eusina ngeunaan raratan karuhun atanapi Nasab Kangjeng Nabi Muhammad SAW. anu mulya. Sanaos nu dikauninga mung dugi ka Adnan. Kadituna urang pada terang yén Kangjeng Rasulullah masih turunan Kangjeng Nabi Ibrahim as. ti Nabi Ismail as.

Ieu rumpaka atawa babacaan pupujian/Nadhom Rundayan Nabi:

Wajib ka jalma Islamna
Uninga rundayanana
Jeung Nabi Utusan Allah
Muhammad putra Abdullah
Abdullah putra Muthalib
Muthalib putrana Hasyim
Hasyim putra Abdi Manaf
Abdi Manaf putra Qushay

Qushay putrana Kilab
Kilab putrana Murrah
Murrah putrana Ka'ab
Ka'ab putrana Lu'ay
Luay putrana Ghalib
Ghalib putrana Fihir
Fihir putrana Malik
Malik putrana Nadhar

Baca Juga: Rupa-Rupa Seuri dina Basa Sunda

Nadhar putra Kinanah
Kinanah Bin Huzaimah
Huzaimah putra Mudrikah
Mudrikah putrana Ilyas
Ilyas putrana Mudhar
Mudhar putrana Nizar
Nizar putrana Ma'ad
Ma'ad putrana Adnan

Ti Adnan dugika Adam
Teu wajib diuningana
Ti Adnan dugika Adam
Sabab taya jalan Shohéh
Jeung wajib diuningana
Rundayan nu ti ibuna
Jeung Nabi utusan Allah
Muhammad putra Aminah

Aminah putrina Wahab
Wahab putra Abdi Manaf
Abdi Manaf putra Zuhrah
Zuhrah putrana Kilab
Tepang deui jeung ramana
Di Kilab janggawaréngna
Jadi ibu jeung ramana
Masih kénéh sarundayan ***