Fiksimini Sunda: Ririwa Era Parada

jabaribernews.com -- Balik ngalembur jam 10 peuting. Awak karasa lungsé, mawa motor gé satengah nundutan. Untungna ayeuna mah kontrakan téh teu pati jauh. Geus saminggu nempatan kontrakan anyar, salian ti leuwih deukeut ka pigawéan, hargana ogé kaitung murah pisan.

Ieu gé béja ti si Aji, aya kontrakan murah cenah, hargana satengahna tina harga kontrakan umumna.

"Murah pisan, euy?" Tanya kuring harita.
"Sanget. Geus lila gé euweuh nu wani ngeusian. Jadi diobral ku Haji nu bogana," témbal si Aji harita.

Baca Juga: Figure, Versi Lain Spirit Doll Bagi Para Kolektor

Imahna mah garenah, WC, dapur, jeung tengah imahna lalega, kamer wéh hiji, laluasa keur soranganeun. Atoh wé kuring mah, pajah cénah aya 'eusian', teu paduli lah, jalmana wé eta mah barorangan, halu téa ceuk barudak kiwari mah.

Asup ka gang, teu pati jauh ti sisi jalan, ngan rada nenggang, kadituna mah upluk-aplak pasawahan.

Sanggeus nepi, kulutrak muka panto, nyaangkeun lampu, ugal-ugil ngasupkeun heula motor.

Ucul-ucul, teu kuat bayeungyang hayang geura brus mandi, rék tuluy saré, carapé.

Gejebur ... gejebur ... ngaguyur awak, digasruk, diangir. Kasebut kontrakan murah gé, cai mah lancar, tara saat. Beresih deuih. Bisa maké sakarepna.

Geus bérés, kaluar ti kamer mandi disasamping anduk. Keur milihan baju dina lomari, kadéngé sora keran ngocor kana bak.

Har? Na poho nutup kitu tadi? Kaluar ti kamer, ngalieuk ka panto WC nu nutup, kadenge sora nu nyiuk cai, gejebur ... gejebur ... Teg! Puriding....

Baca Juga: Surat Az Zalzalah Beserta Terjemah Bahasa Indonesia dan Terjemah Bahasa Sunda

Jantung ngadadak ratug. Sora aya nu mandi? Ngawani-wani karep rek ditempo. Keketeyepan, panto WC disurungkeun. Blak! .... Kosong! Ukur keran nu nyorog kana bak. Ulak ilik .... sup, mareuman keran. Tatanggahan ... euweuh nanaeun. Dédéngéan meureun tadi mah.

Kaluar ti WC, ari malik ... gok téh aya nu ngajirim hareupeun kuring. Ampir waé awak tijengkang. Untung kaburu muntang kana kusén panto. Rék ngagoak nyelek na elak-elakan.