Fiksimini Sunda: Gamis Sarimbit jeung Kelom Beureum Ngora

Nu matak sakumaha alusna gé éta gamis, kuring teu hayang maké, ti saprak dibéré tuluy dijejelkeun di juru balong, dipake nyocokan liang keuyeup. Cua ka nu méréna, nyebutna mah gamis hadiah ti Si Ayah, sagala gé disamikeun.

Disamikeun nanahaon, geuning tara hayang balik ka nu kolot mah, betah keneh ngeukeupan nu ngora si Ayah téh, alesan proyék. Aki-aki orowodol di ayah-ayah. Cuih! Mani geuleuh! Teu sudi aing kudu dibaju seragam sarua jeung maru. Kelom diudar. Belewer! dibalédogkeun ka ucing nu keur paséa. ***